Kan hnu zarhte ni ah khan minak pa Lamer Scott cu a mawtaw hnu lei mei a rawk caah palik pa nih a dir ter i tlawmpal a dir hnu ah a tlik tak. A tlik lio ah a hnu lei in mirang palik pa Michael Slager nih cun voi tam ngai a kah i a thi beh caah minak pawl an lung fak ngai cio ti a si.
Mr. Scott hi hriamnam zeihmanh aa tlai mi asi lo. A cung lei video zoh tikah lung rawk ngai a si ko. A tlik tak hnu in kar khat te hmanh a dawi lo, meithal kuan bak a dawi ter colh ko. Voikhat a kah lawng si hoi lo, non-stop bak in a kah ko. Mah video zoh tikah hi palik pa nih Mr. Scott a nunnak hi uico nunnak tluk hmanh in a ruat lo ti a lang. A video rak zoh ve tuah uh. Mah video te hi um hlahsehlaw hi palik pa hi thangthat lei aa huah hnga an ti len.
US ah mirang palik nih minak mi sawh sawh an thah hi a tlawm ti lo. A tu le tu ti nawn in an thah ko hna. Minak pawl hi a sual tak tak mi zong an um ve ko lai nain an thah mi tam deuh hi cu hriam nam aa tlai bak lo mi an si tikah minak pawl an thleidan hna ruangah a si ti khawh ngai a si. Nikum an rak thah mi Michael Brown zong kha hriamnam aa tlai bak lo mi a si ve,Michael Brown ruangah khan minak pawl nih fak ngai in duh lo nak an rak langhter bal cang.
Mirang palik nih hriamnam aa tlai bak lomi minak an thah mi hna:
April 2015: Walter Lamer Scott, 50, South Carolina
December 2014: Jerame Reide, 36, New Jersey
November 2014: Tamir Rice, 12, Ohio
August 2014: Michael Brown, 18, Missouri
July 2014: Eric Garner, 43, New York
March 2014: James Boyd, 38, New Mexico (Rf:BBC)
No comments:
Post a Comment