US ram Georgia state ah a um mi Clarkson High School ah a kai mi Jenny Ngun Hlei Par cu an sianginn cathiam bik top 10 ah ai tel kho ve hlei ah College kai nak ding caah Bill Gates pek mi scholarship pakhat le adang pakhat zong a ngah chih tiah CYO North America facebook page in theih a si.
Mah Clarkson High School hi sianghngakchia dihlak 1,200 leng an kai nak a si. Kawlram mi lakah a mah lanwg hi top 10 ah ai tel kho mi a si. Scholarship a ngah mi zong hi mi zaran nih ngah khawh mi an si lo, cathiam tak tak lawng nih an ngah mi a si. A ngah mi scholarship hna cu vawleicung rum bik Bill Gates nih a pek mi APIASF(Asisa&Pacific Islander American Scholarship Fund) timi le Senator Richard G. Lugar Academic Recognition Award timi hna an si. Hi scholarship nih a sianginn kai nak ah a herhmi cu a pek nguh dih lai.
Jenny cu University of Indiana ah Biology cawn ai timh, admission zong a ngah cang. Biology a dih in paediatrician timi hngakchia siibawi si aa timh mi a si.
A nih hi Zophei tlang Ngalang khuami Pu Van Thawng le Pi Biak Chin Sung an fanu a si. Kum 18 nungak dawh te a si. A facebook hika ah len khawh a si lai. Jenny Ngun Hlei Par.
No comments:
Post a Comment