Tunai ka facebook ka van kau, voidang tawn bang 'Salai Bawi Lay' timi min ka van hmuh i Laitlang lei hmanthlak dawh dawh a post hoi ko lai hih tiah i ngeih ngai in ka van zoh. 'Receipts' lawng te ka hmuh ko, zeidah a si hnga tiah fiang deuh in ka zoh cu ka khuaruah a har. Zumh awk lei a tha lo. Salai Bawi Lay le a nau pa nih khua lei phaisa an kuat hna nak 'receipts' a si, 2014 chung ah Kyat ting 61 bak an kuat hna.
Ram tha a um mi hmanh nih hi zat kuat ding hi a fawi bak lo mi a si. Malaysia um ka hawi le nih khua lei phaisa an kuat hna ti ka thei tuk bal lo,an kuat hna hmanh ah thlakhat tingkhat cung an kuat ka thei bal tuk lo. Salai Bawi Lay le a nau nih cun thlakhat ah tingnga leng an kuat kho peng hna ti nak a si.Pasal ciammam.!.
Salai Bawi Lay hi a facebook catial mi tete rel tikah a lungput uar a um tuk,a ruahnak a puitling. Hitluk a nu le phaisa a kuat ko hna nain a nih bel cu hand phone tha hmanh aa tlai duh lo. A phone hi camera hmanh a um lomi battery zarhkhat a nguhmi Nokia te aa tlai. Kachin ram zong ah sau ngai a rak vak ve caah a hmuhmi a tam i a lung fim khun.
A nih hi Hnaring khua mi a si. Malay a um nak kum 6 leng a si cang. Tlawmpal ah US kal ve dawh a si. A facebook hika ah len khawh a si lai Salai Bawi Lay.
No comments:
Post a Comment