IS Ralhrang Hruaitu Lutlai Bik Mr. Baghdadi Hliamhma A Hmu An Ti

Mr Baghadi

IS ralhrang hruaitu lutlai bik a si mi Mr Baghadi cu a luancia March thla donghlai ah khan vawlawng bomb puahnak in hliam hma a hmu, a hma zong a fak ngai tiah BBC nih a thanh. 


The Guardian thawngzamhca nih a chim ning ah cun Mr Baghadi hliam hma a hmuhnak hmun hi Syria ramri he a naihnak Iraq nitlak lei ah a si a ti. Zeitluk fak in dah aa hliam timi cu fiang in an thei kho rih lo.

'Umm al-Rous timi Iraq nitlak lei khua pakhat ah March 18 ah khan vanlawng bomb thlaknak in hliam hma a hmu' tiah Iraq cozah ruahnak petu a si mi Mr Hisham al-Hashimi nih a chim.

A nih hi nikum zong ah khan fak ngai in a hliam tiin thawng a rak leng i bia chawkvai sawh sawh a rak si diam. Tu zong hi hliam hma a hmu tak tak le hmu tak tak lo an fehter kho rih lo. 


***Kan facebook page 'like' kan pek piak cio ve uh. Chinland News