Misual Ralhrang Saddam Hussein A Hawi Tha Mr.Douri An Thah Khawh Cang

Mr. Douri

US nih Saddam Hussein a rak tlaih hlan(before 2003) ah Saddam Hussein nih a rak bochan ngai i a deputy rian tiang a rak tuan ter mi pa Mr. Izzat Ibrahim al-Douri cu Iraq cozah ralkap nih an thah khawh cang tiah tiah BBC le The Telegraph nih an thanh. 

Mr. Douri, 72, hi Saddam Hussein a rak bawmh lawng si loin a tu lio a lor tak mi IS ralhrang pawl a bawmh ngai tu a si rih. Naqshbandi Order timi ralhrang phu zong a mah nih a hruaimi an si. US nih tlaih a duh bik mi lakah pakhat a si ve. 

A nih hi a thi cang tiin bia chawk vai a rak um leng mang. Tutan zong hi Mr. Douri a tanhpi tu nih cun a thi lo an ti rih ko. Nain, Iraq cozah ralkap nih cun a thihnak hmanthlak zong TV ah an langhter cang. 

Saddam Hussein cu ralhrang al-Qaeda a bawmh hna, a duh poah in mipi a thah hna tiin an rak puh caah US le UK nih an rak phomh i an ram cia ah an rak tlaih beh. Kumthum chung a bia an ceih hnu Dec 30, 2006 ah hri in an rak thlai.