Myanmar Fimcawnnak Lei Thanchonak Pakhat: University Nih A Mah Tein Charter A Suai Cang

Yangon University

2015-2016 cacawn kum thawk in Myanmar ram chung University luh duh tikah tanghra mak lawng i rinh a si ti lai lo, University pakhat cio nih an mah duh ning in Charter a suai lai i sianghngakchia luhter le luhter lo cu University nawlngei tu kut cungah a um cang lai tiah BBC Burmese nih a thanh.


A tu lawlawse Myanmar ram chung University luh ning cu tanghra mark cung ah ai hngat mi a si. Tanghra ah mark niam deuh ah cun mah duhmi University le subject i thim khawh a si lo. A cung lei nih thim piak i duh zong duh lo zong ah kai ter a si. 

Nain,tukum thawk in cun kha ti khan a si ti lai lo. Tanghra mark a niam zongah University pakhat khat nih mark niam deuh an hal ve ah cun cu University ah kai khawh thiam a si lai. Subject pakhat cung tlinh ding tiah University pakhat cio nih an hal mi zong ai lo cio lai lo, kai duhmi subject kha University pakhat nih a halmi mark tlinh lo sual hmanh ah a dang University nih niam deuh in a hal kho. Mark niam deuh in an halnak University ah cu subject cu kai khawh thiam a si te lai.

University pakhat cio nih a ngeih ding Charter zong hi an mah University nawlngei tu nih suai a si lai. Kum khat ah sianghngakchia pazeizat dah cohlan ding, sianghgakchia nih tanghra mark hi zat a ngah awk a si tibantuk zong cozah nih si ti loin University nih biakhiahnak an ngei cang lai ti a si. 

Ram tha ah cun University pakhat cio nih nawlngeinak full in ngeih cio a si. Myanmar zong nih ramdang cacawn ning i lak a timh ve cang ti nak a si.