India-Myanmar-Thailand Kar Pehtlainak Lam Kong An Ceih Lai

India-Myanmar-Thai

India-Myanmar-Thailand kar pehltainak a that deuh khawh nak hnga tiin lam ser an timh mi kong he pehtlai in hihna ram i transportation minister hna cu April 18, India ram ah tonnak an ngei lai tiah BBC Burmese nih a thanh.


India nih 'Look East Policy' hmang in Myanmar ram chung hmunhma khor ai timh peng mi a si. Kalay-Tamu kar lam zong a ser piak hlei ah a tu hi Chinram Paletwa le Kolkata peh ding ah Kaladan Project timi a tuah cuahmah lio a si.2016 ah lim an timh. Hi Kaladan project nih India ram Kolkata-Sittwe-Paletwa-Lawngtlai a peh dih hna lai. 

Thailand-Myanmar-India a peh tu ding lampi zong 2018 ah cun hman khawh a si lai an ti. Mah lam hi Manipur ram Moreh-Mandalay-Mae Sot-Thailand a peh dih ding a si.

Tutan ram thum hruaitu i tonnak ah hi pehtlainak lampi kong le ram thum kar chawlehnak trade a that deuhnak ding zong ceih dawh an si, hnatlaknak zong an tuah te lai. China nih South East Asia chung hmunhma a lak tuk mi hi India nih a duh ve lo caah a si khawh chung in South East Asia ram he pehtlainak fehter a timh ve.