US ram Rhode Island state um Mount Pleasant High School ah sianginn a rak kai mi Lai nusal Ni Din Sung konglam(testimony) cu US TV pakhat a si mi WPRI-TV nih an thanh, Malaysia an rat lio lampi ah an rak tuar ning hna a chim dih hna.
A nih hi Rangon in a dang ralzam 40 he Malay lei an rak i thawh ti, an nu le pa he a dang dang in an then hna. Tilawng le mawtaw cungah vok le thilri bantuk in an khumh hna, thaw chuah kho lo in an rak tuah hna nak kong zong a chim chih. Tilawng in Malay a ra mi nih cun a rak har ning theih cio a si ko lai dah.
Ni Din Sung cu tuhi full scholarship a ngah i Rhode Island College ah Nursing a kum khat nak a cawn cuahmah lio a si. US ram Rhode Island state ah an chungkhar in khua an si. A facebook zong hika Ni Din Sung ah len khawh a si lai. Mah interview an tuah hi nikum June thla ah khan a si cang. Tling deuh in rel a duh mi nih hika ah rel khawh a si lai. Local graduate survives brutal history lesson.
No comments:
Post a Comment