US Thawngzamhca 'The Dallas Morning News' Nih Chin Nu Van Par Zi An Thangthat

Lewisville High School Ah Van Par Zi

US ram Dallas khuapi thawngzamhca a si mi 'The Dallas Morning News' nih Lewisville High School ah a kai lio mi Chin nu Van Par Zi an thangthat nak le Lewisville khua hrawng Chin refugee kan umtuning kong hna nizaan April 14 ah khan an tial. 

Van Par Zi hi kum 7 hrawng a si lio ah US a rak phan i a phak ka ah cun mirang holh zong pakhat hmanh a rak thiam lo nain a tu cu High School a dih in Abilene Christian University ah sii lei(pre-medicine) cawn ai timh. Sianginn a rak kai thawk ah hin mirang holh a rak thiam rih lo caah a hawi le he kut ke(body language) hmang in an rak i chonh biak tawn, a hawi pakhat nih a rak dawt ning hna zong Van Par Zi nih a chim chih.


Lewisville High School main campus ah siangngakchia 10% hi Chinmi an si ti a si. Hika high school ah 'Chin Student Organization' timi zong an dirh i Van Par Zi nih President a rak tuan piak chih hna. Mah CSO hruainak in Chin siangngakchia thar tete zong an bawmh hna i an zohkhenh hna ti a si. 

The Dallas Morning News nih mah Van Par Zi kong lawng si loin Chinmi US kan phakka har nak kan ton ning, community ah kan i pek ve ning le rian har kan tuan ning hna zong an tial chih. 

Hitluk har nak chung in Van Par Zi cu sii lei cawn kawh ding dirhmun hna a hung phanh hi lawmhpi lo awk a that lo caah an hung thangthat nak a si. Mirang thawgzamh ca a si mi 'The Dallas Morning News' hna nih Van Par Zi an hung thangthat cu lawmh a um tuk hring hran ko. 

Van Par Zi cu Rev. Khen Sang a fa nu a si.

Hika ah tling deuh in rel khawh a si lai. Chin refugees from Myanmar forge community in Lewisville.