Myanmar Cozah Nih US Company Kumkhat $800,000 In An Hlan,Soiselnak A Um

Myanmar ram le US kar pehtlainak a feh deuh khawh nak ding caah le Myanmar cozah nih thlennak a tuah mi US Congress le mipi sin a theihter tu dingah US Company a si mi Podesta Group cu Myanmar cozah nih kumkhat ah $800,000 pek in an hlan tiah BBC Burmese le Yahoo News nih an thanh.


Lobbying Company Podesta Group hi US cozah nih a bochan ngai mi pakhat a si. Ram pakhat or buu pakhat an riantuan ning le an thil ti khawh ning US cozah sin ah a phuang peng tu a si.A bik in Democrats le Obama cozah he pehtlainak tha tuk an ngei. 

Kenneth Roth twitter

Mah US company an hlan nak kong he pehtlai in Human Rights Watch director Kenneth Roth nih 'Thlennak tuah lem loin, Myanmar cozah nih lihbia chim dingah US company phaisa a phah piak' tiin a soisel colh ve.   

Hiti Myanmar cozah nih phaisa tampi dih in US cozah nih a zumh tuk mi company an hlan hnu ah cun Myanmar cozah a hna ngam deuh cang lai ti nak a si. Mah company nih US Congress ah dirpi peng te dawh a si. An thluak a tha kan ti lai cu. Cozah dohtu mifim thiam vialte zong phaisa hmang in an hmur an cip ter kho ko hna ti awk in a um.