Kokang Hriamtlai Phu Nih Kawl Ralkap 'Lihbia An Chim' A Ti

Kawl Ralkap nih an lak mi

Kawl ralkap nih Kokang hriamtlai phu caah a biapi tuk mi Kokang ralkap 250 leng nih an zohkhenh mi tlangcung sa-khan cu nizaan April 15 ah khan kan lak kawh cang tiah thawng an zamh mi cu a dik lo, April 15 ah i kahnak zong pakhat hmanh a um lo tiah Kokang hriamtlai phu aiawh biachimtu U Htun Myat Linn nih VOA ah a chim.

Cozah nih thawng an zamh nak ah tutan kawl titoih puai kar ah kawl ralkap nih Kokang hriamtlai phu an sakhan tampi an lak khawh, kawl ralkap 16 an thi i 110 hliamhma an pu an tiin cozah thawngzamh ca ah an fehter. Nain, kawl ralkap lei a thi mi hi 16 nak in an tam deuh tuk lai tiah U Htun Myat Linn nih BBC ah a chim rih. 


Hiti Kokang le TNLA a phomh cuahmah nain cozah lei tuanvo ngeitu U Aung Min nih Myanmar a rak tlawngmi Japan nawlngeitu sin ah 'kahdaihnak cu tlawmpal ah min kan thut cang lai' a ti len ve ko hna.

Kokang hriamtlai phu cu Wa ram ah tuah ding mi tlangcung hriamtlai phu conference zongah i tel lo ding in cozah nih an hal nain 'kan kai ko lai' an ti.