Nigeria ram Ondo state ah ebola bantuk zawtnak tha lo a chuak than i minung 18 tiang a thah cang hna, zawtnak a karh ning zong a rang ngai i zawtnak ngah hnu suimilam 24 chungah thih a si tiah BBC nih a thanh.
Hi zawtnak a ngei mi hna cu an mit hmuh khawhnak a tlau, an luu a fak hlei ah mah le mah i theih lo(lungmit) tiang in an um i nikhat chung ah an thi beh ti a si. Ondo state cozah nawlngeitu pakhat nih 'khuaruah har' 'mysterious' zawt nak a si a ti.
Mah zawtnak virus nih minung pum chung a um mi thihri(nerves) vialte a hrawh dih tiin zumh a si. Tuhi World Health Organization(WHO) riantuantu nih bia tak tein an kherhhlai cuahmah lio a si, khamh khawhnak sii-ai an chuah kho rih lo.
No comments:
Post a Comment