Kawl Ralkap An Ni Ken Mi Bing le Ritsii Kyat Ting 350 Man TNLA Nih An Chuh Khawh Hna

Kawl ralkap

Shan ram chak lei Luai-Luam khua pawng ah a um mi kawl ralkap sa-khan pakhat cu TNLA hriamtlai phu nih nizaan ah khan an phomh hna i kawl ralkap nih an ni ken mi Kyat ting 350 man bing, ritsii le hriamnam pawl an lak piak hna tiah BBC Burmese nih a thanh.


Hiti an ni kahnak ah kawl ralkap 4 an thi i 6 leng hliam hma an hmu ti a si. Cozah lei nih hi kong he pehtlai in thawng thanhnak an tuah rih lo. 

Ta'ang National Liberation Army(TNLA) hi Kokang he a naih nak Shan ram chak lei ah a um ve mi a si. Kawl ralkap nih Kokang a phomh lio ah biatak tein TNLA nih a bawmh ve. Ralkap thazang 1,500 hrawng an ngei hna.