Tukum Thlathum Chungah Russia Ram Sipuazi 2% Bak In A Tla

Russia Prime Minister

Nikum March thla ah Ukraine ram Crimea a lak hnu in Russia cu nitlak lei ram EU le US nih sipuazi an phih piak dih hlei ah oil man a tla tuk caah tukum thla thum January-March tiangah Russia economy 2% bak in a zor tiah Sky News le BBC  nih an thanh.


2% in a zor ti a duhnak cu nikum 2014 January-March kar Russia economy nak in tukum thlathum chungah 2% in a fa deuh/a si fak deuh ti nak a si. Ramdang pawl an thancho lio ah Russia bel cu a tum chuk deuh ti nak a si. 

Hi tiang in Russia sipuazi a tla hi 2009 hnu in a voikhat nak a si. Mah tluk sipuazi a tlak hi Russia Prime Minister Mr. Medvedev  nih 'a phu ngai ko' tiin Russia parliament ah a thanh. Crimea ram Russia chung a luh than hi Berlin Wall a rawh hnu Germany ram an ni fonh than mi le China le Hong Kong an ni fonh than bantuk a si a ti hna. 

EU le US nih Russia cung economic sanction an chiah hnu in Russia ram chung thil chuak a duh zat in ramdangah a zuar kho ti lo, ramdang thil zong duh tawk in a lut kho ti lo caah 'import' le 'export' nih fak tuk in Russia sipuazi a den hi a si.