#Kan hnu kharpi camipuai tang li le tang riat a phimi chung in a sungmi hna kha May 14-15-16 ah an sunghmi subjects kha an phi than lai. Cu i an sungh than ahcun an cataang an nolh than lai.
#Kan hnu April 10 zing in Hakha khua ah a tlau tiin rak thanhmi Thantlang peng Ralpek khuami Reng Lian kum 36 kha April 14 zing suimilaam 9, Hakha khuahlun Haithlaan thlaanmual thlang thingtang ah a ruak in an khuami a kawltu nih an char.
#Hakha Bethel Khrihfabu le Myanmar Christian Fellowship Church i bawm in April 13-20 tiang Hakha Myanmar Christian Fellowship Church ah zumlotu miphun dang hna caah a hlei in camping an tuah cuahmah lio a si. Minung 25 an kai i 15 hi Pathian a thei rih bak lomi an si.
No comments:
Post a Comment