Ghana le Nigeria ram in Italy ram ah dornak kawl ding ah tilawng in a rak zam mi khrifa 12 cu cuka tilawng a kai ve mi muslim pawl nih rili ah an thlak hna, an nung lai timi ruahchannak a um lo tiah BBC nih a thanh.
Hiti khrifa rili ah a thlaktu tiah an ruahmi muslim 15 cu an tlaih cang hna, an nih hi Ivory Coast, Senegal, Mali and Guinea ram in a ra mi an si ve ti a si.
Mah an tlaihmi muslim pawl nih khrifa biaknak an huat caah hiti an thlak hna nak a si, a dang zong thlak dih an timh hna nain buu khat ah an ni fonh manh(human chains) caah an thlak kho hna lo ti a si.
Africa ram um mi tampi cu an ram sifak ruangah tilawng in Italy lei an rak zam tawn i lampi ah a tu bantuk in vanchiatnak an tong pah leng mang,kum khat ah minung tampi an thi tawn.
No comments:
Post a Comment