Kawl Ralkap Nih Kokang Ral Ah A Thimi Zat An Mah Tein An Ni Phuan

Kawl ralkap

Kawl cozah thawngzamhca a si mi Myat-Wa-Di ah kawl ralkap nih Feb 9 thawk in Kokang ral tuk nak ah kawl ralkap a thi mi le hliam hma a hmu mi min cazin mipi theih khawh ding in thawngthanhnak an tuah tiah RFA nih a thanh.


Tutiang a thi mi kawl ralkap hi 126 an si i, hliam hma a hmu mi hi 359 an si cang an ti. April 15 tiangah voi 253 tiang an ni phomh i an ruak in an char mi Kokang hriamtlai hi 74, a nung 22 an tlaih hna. Kokang hriamnam 226 zong an lak piak chih hna ti a si. 

Hihi kawl ralkap lei thawngthanh mi a si caah a dik lo kho men. Kawl ralkap a thimi zat hi Kokang hriamtlai phu nih an rak chim tawn mi nak in a niam deuh ngai. Kawl ralkap nih an mual pho lai an tih caah an thup zong a si kho ve.