Surbung Tlang Vanlawng Bual Caah Thlacamnak An Tuah Cang

James Bawi 

Chinram caah Myanmar cozah nih a kan pek mi Surbung tlang vanlawng bual tlamtling tein an lim khawh nak caah tiin April 18 ah falam khuanu khua pa, Chin Baptist Convention tuanvo ngeitu le hluttaw MP hna nih Pathian sin pekchanhnak an ngei kho tiah Chin World Media sin in theih a si.


Hi vanlawng bual ngah nak ding caah Falam khua nu khua pa nih a lam kip in an rak i zuam. Cozah nih a cohlan hna hlan ah an mah phaisa tein tank tampi an hlam i a hmunhma an rak cawh cia cang mi a si. 

Tukum budget chungah cozah nih kyat ting thawngkhat($100,000) pek ding bia khiah nak zong an rak ngei cang. Hi kyat ting thawngkhat cu a tlawm deuh caah hmaikum budget ah pek chap dawh an si.(Media tampi nih Kyat ting thawnghra tiin an tial sual leng mang).