Dr. Aye Maung: Thein Sein A Chim Mi May Thla Chung Referendum Tuahding A Si Kho Lo

Dr. Aye Maung

2008 Constitution remh ding mipi hnatlaknak laknak Referendum cu President Thein Sein nih May thla chungah tuah ding in a rak chim nain hihi a tak tak ah a si kho lo mi a si, hruaitu 6 i ton than ta loin 'referendum' tuah khawh a si lo tiah Dr. Aye Maung nih a chim.


Myanmar hruaitu 6 i tonnak cu April 10 ah khan voikhat an rak tuah cang i ton than ding hna tlak a si. Thura Shwe Mann nih tuan deuh ah i ton than ding a hal nain Thein Sein nih May 11 hnu lawngah i ton than ding a ti caah May thla chung mipi duhnak lak 'referendum' ding hi a si kho lo mi a ti.

Hruaitu 6 nih phunghram remh ding kong an ceih i hnatlaknak an ngah hnu lawngah Parliament sin chuah pi awk a si, cu lo ah cun ralkap 25% nih remh ding an chuahpi mi article poahpoah an hnon peng ko lai caah a suallam a um lo mi a si tiah Dr. Aye Maung nih a chim chih.   

Dr. Aye Maung hi Rakhine National Party(RNP) hotu a si i parliament zongah tlangcungmi nih an bochan ngai mi a si. April 10 hruaitu 6 tonnak zongah tlangcungmi aiawh in a mah ai tel ve.