Rakhine Hriamtlai Phu Le Kawl Ralkap Kar I Kahnak A Zual Chin

Arakan Army

Kawl cozah nih dothlengtu ralkap dirhmun ah a cohlang lomi Rakhine hriamtlai phu pakhat a si mi Arakan Army(AA) le kawl ralkap kar i kahnak cu Rakhine ram, Kyauhtaw khua pawngah tukar nihnih chungah biatak tein a zual tiah AA tuanvo ngeitu Dr. Nyo Htun Aung nih VOA ah a chim.


Tutan an ni kahnak cu tukum chungah a zual bik a si lai an ti.Kawl ralkap nih hriamnam ngan pipi zong an hmang ti a si.Nain, a thi mi le hliam hma a hmu mi bel cu an langhter lo. 

Arakan Army(AA) hi Kokang hriamtlai phu a bawm tu pakhat a si ve. Karen ram ah kum tampi an rak um hnu ah nai ah khan Rakhine ram an rak lut. Kahdaihnak minthut ding aa zuam cuahmah mi NCCT zongah member pakhat a si ve.