Actress Rosy Par Thangchiat Duh Ah Facebook Account Pakhat An Ser

Chinmi nih kan zohthla ngai mi actress +model Rosy Par thangchiat duh ah 'Dawt Hlei Par' timi min in a ho a si ti thei lomi pakhat nih facebook account a tuah i Rosy Par hmanthlak ai tar dih hlei ah Rosy Par a min chiatnakter duh ah dawhcah lo ca hna a tial ti a si.

Mah Dawt Hlei Par timi facebook account nih kawlpa pakhat a 'tag' i 'nangmah lawng kan duh, ka zeizong vialte na si' tibantuk in ca a tial leng mang tiah Dawt Hlei Par account friend list ah a um ve mi Salai Cungpi nih catial tu sinah a chim. Hibantuk ca dawh cah lo a tial hi voi tam ngai a si cang, mirangca deuh in a tial tawn tiah Cungpi nih a chim chap.

Account deu

Hihi Rosy Par hmanthlak hmang in facebook account a um hi amah Rosy Par zong nih a rak thei bal lo. Tuni lawngah Cungpi nih hiti ca dawh cah lo a tial leng mang a hmuh ruangah a khuaruah a har i Rosy Par a chim than tikah Rosy Par cu a lung rawk tuk ti a si. 

A tu bantuk in midang pakhat khat thangchiat duh ah facebook account deu aa tuah mi an um pah leng mang. Kan mah Laimi lak zongah Rosy Par bantuk in a tuar cang mi an um pah ve cang.