March 31 ah tlangcung hriamtlai phu vialte ai-awhtu tiah kan ruah mi NCCT le cozah lei ai-awhtu UPWC nih hnatlaknak draft min an rak thut,nain, Wa hriamtlai phu nih phu 12 a sawm than hna i kahdaihnak kong May 1-3 tiang ceih than an timh hoi.
Tutan Wa ram ah tuah ding mi hriamtlai phu 12 i tonnak ah NCCT nih an kalpi mi rampumpi kahdaih minthutnak(NCA) kong ceih a si lai lo, NCA kong cu a dang tein conference tuah than a hau tiah KIA hruaitu Gun Maw nih RFA ah a chim. NCCT hruaitu pawl nih May thla chung hrim ah kahdaihnak minthut ding an ti nain Gun Maw nih cun May thla ah a si kho lai lo a ti ve.
Zeiruangah dah NCCT nih cozah he hnatlaknak a ngah hnu in hiti phu 12 conference cu a hau than hnga timi hi ruah awk ngai a si. NCCT nih a kan ai-awh kho lo an ti caah maw mah conference hi tuah than an timh hnga ti awk in a um. FRA nih Gun Maw bia an hal nak rak ngai ve uh.
No comments:
Post a Comment