Tukar Kan Laihla Sak Thiam Khuate Lei Nih Cah A Lar Ngai

Tulio a lar mi Hakha um Laihla sak thiam a si mi Thawngbawi, Hlawn Sung, Tawk Men, Emily Par, Cung Hlei Lian, Paling le Sui Cer Men hna cu khuate lei in cah leng mang a si i an caan zong ai tet ngai tiah The Hakha Post sin in theih a si.

A cahtu khua hi Thantlang peng lei deuh an si hna. Tuzing in an ni thawh lai i April 18 tiang khi pehzulh tein civui, lam honnak, jubilee tibantuk ah an va hman pi hna lai. An kal nak ding hna cu Thangtlangpeng Farrawn khua ah TABC Mino Cup April 8-10, Lungding ah 200 tlinnak Jubilee April 10-12, Zephai ah lam honnak April 14-16 le Hlamphei khua ah meikangh philh lonak 17-18 hna an si.

Hiti kan ngeihchun Laihla sakthiam hna ram dang lei lawng in si loin Lailei khua te zong nih an cawnglawmh hna le an sunsak hna hi thancho nak pakhat a si ve. An tlamtling hram seh!