CHRO Director Bawi Lian Mang Nih Kawl Media Khuaruah Har In A Tuah Hna

Chakum Pa facebook lakmi

Chinram zongah Nah-Tah-Lah timi misifak pawl an cawm hna i Buddhist biaknak ah an luhter beh hna nak sianginn a zohkhenh tu kawlram chung biaknak lei Ministry a si mi 'Ministry of Religion' hi a dikmi democracy a hmang mi ram ah a um phung a si lo tiin CHRO Director Salai Bawi Lian Mang nih kawl media pawl a chim hna i an khuaruah a har tiah Salai Bawi Lian Mang nih a facebook ah a tial. 


Hiti a dikmi democracy ram ah 'Ministry of Religion' timi a um awk a si lo a ti ruangah kawl media pawl khuaruahhar ngai in an um hi a mah Salai Bawi Lian Mang zong a khuaruah a har ngai than ve ti a si.

"Biaknak zalon nak caah dawnkhan tu le khenkham tu bik asi mi cu kan ram ah "Ministry of Religion" a um mi hi asi. Secular Democracy ram ah Ministry of Religion a um awk asi lo" tiah ka chim i, mah cu kawl tadin pawl nih khuaruahhar ngai thil ah an ruah. Mah cu ti i an ruah mi cu ka khuaruah a har chin ve' tiin Salai Bawi Lian Mang nih a tial. 

Chin Human Rights Organization(CHRO) hi 1995, India-kawlram ramri ah rak dirh mi a si i kawl ralkap siseh, kawl cozah nih Chinmi cung thil tha lo an tuahmi poah a phuang chuak tu an si. World Marketing Submit 2013 zong nih 'NGO Leadership and Excellence Awards' timi upatnak an rak pek bal hna.