Russia hawikawm a si mi Ukraine President hlun a rak dirpi peng tu Mr Oleg Kalashnikov cu tunai te ah khan Ukraine ram khualipi Kiev ah a ruak in an char, meithal kahnak hma zong an hmuh chih caah a mah tein maw ai that or mi pakhat khat nih dah an thah timi theih a si rih lo tiah BBC nih a thanh.
Ukraine mipi nih nikum ah khan Russia dirpi tu an President cu Russia ram ah an rak thawl i tuhi President hlun a rak doh tu nih cozah an ser than a si. Mah an thawl mi pa a dirpi tu minung 8 bak a luancia thla thum chungah an thi,tam pi cu an mah le mah an i that an ti nain Russia doh tu(nitlak lei ram a uar tu) mi cheu khat nih an thah mi hna a si lai a ti mi zong an um ve.
Hiti thlathum chungah Russia a dirpi tu politician 8 bak an thih nak he pehtlai in minung pakhat hmanh Ukraine cozah nih thawng an thlak rih hna lo. Hi ruangah cozah a thil tuah ning a dik deuh lo a ti mi an um len.
No comments:
Post a Comment