South Africa ah Ramdang Mi Huat A Karh,Minung 5 An Thi Cang

The Guardian lak mi

Africa continent ram hna lakah a thangcho bik ram a si ve mi South Africa ram Durban khua ah ramdang mi rem lo nak le huatnak a karh i buainak a chuah caah tuni minung 5 an thi, ramdang mi a thawng thawng in refugee camp an panh tiah CNN le BBC nih an thanh.

South Africa mipi nih ramdang mi an huat hna nak a ruang cu ramdang in a ra mi nih ramchung rian vial te an lak khenh hna tiin an ruah caah a si. South Africa ram chung rian ngei lo zat(unemployment rate) hi 24% a si. South Africa ram chung riantuan kho 24% nih rian an ngei lo ti nak a si(US ramchung unemployment rate hi 5.5% lawng a si).


South Africa ram hi Nelson Mandela hruainak in 1994 ah mirang uknak a rak dih i a luacia kum 20 chung ah a thangcho ngai mi a si. Hiti a thancho ruangah a pawngkam Africa ram in mi tampi nih an panh ve. 

A tu buainak ruangah a thi mi lakah 2 hi ramdang mi an si, a dang pathum hi South Africa mi an si. Mah buainak a chuahpi tu pawl nih ramdang mi an dawr tampi zong mei an khangh piak hna caah ramdang mi tampi cu dawr zong an awng ngam ti lo ti a si.