Iraq ram ah Australia mipi IS he aa va fonh i ralhrangah ai chuah ve mi Australia citizen kong Iran nih a theih tawk te cu Australia cozah sin thanh than dingah Australia ramdang vuanci le Iran nawlngei tu nih hnatlaknak an tuah cang.
Mah ti Iran nih IS ralhrang sin a um mi Australia citizen kong Australia cozah a thanh peng ah cun IS ralhrang pawl an ci hmih nak caah ram hnih a bawm tu a si te lai tiah Australia ramdang vuanci Julie Bishop nih a chim. A duhnak cu, Iran cozah nih IS ralhrang kong a theih mi poah Australia cozah a theihter cang lai ti nak a si.
Australia hi muslim an tam ngai nak ram a si ve caah IS ralhrang a bawm tu zong an tlaih pah leng mang cang hna, kan hnu zarh zongah khan IS he pehtlainak a ngei mi mino 5 an rak tlaih hna.
Tuhi Australia citizen 100 leng cu Iraq le Syria ram ah IS sin an lut lai tiin ruah a si. Australia ram chung zong in a lam kip in bawmh nak a pe tu an tam pi lai ti a si. BBC
No comments:
Post a Comment