Myanmar ram chung hriamtlai phu lak ah hriamtha bik a ngei tu le ralkap thazang 30,000 leng a ngei tu UWSA kuttang a um mi Wa ram ah bing kan cing ti lo, a dang rubber kung le lakphak lawng kan cin cang tiah UWSA aiawh biachimtu U Ayng Myint nih VOA ah a chim.
Wa ram hi facang, fangvoi le a dang rintlak a si mi anhnah tibantuk cin khawh a si lo,an tha lo caah Bing lawng hi an cing tawn. Bing an cin mi hi Thailand, China le India ti bantuk ah an zuar hlei ah nitlak lei ram zong an kuat tawn i cuti cun an paw an ni cawm tiin theih mi an si.
Tutan VOA nih U Aung Myint bia an hal nak zong ah U Aung Min nih 'Wa miphun cu kan nu kan pa chan in bing cinnak in ai cawm mi kan si, nain UWSA kuttangah cun Bing vialte kan hloh dih cang. US le China zong nih Satellite in an zoh i an ngiat, Wa ram ah bing kung khat hmanh a um ti lo ti cu an mah zong nih an cohlang' a ti hna.
VOA nih 'Bing nan cin ti lo ah cun zeitindah nan ni cawm' tiin an hal than i U Aung Myint nih 'Rubber kung kan cin mi a tam bik, Ekah tinghnih leng kan cin. Lakphak car (lapheh-choah) zong Ekah a thawng thawng in kan cin. Hmaikum zuar ding zong tuhi hnatlaknak min kan thut cia cang, a za tein cawk an duh nain kan mah ei awk kan herh ve caah 70% lawng kan zuarh hna' tiin a leh hna.
Wa miphun hi Myanmar ram chung kan luhnak kum 3,000 hrawng a si cang. UWSA nih a hruai hnu a luancia kum 26 chung hi Wa a thangcho bik caan a si,nan ka zumh lo ah cun rak zoh ko uh a ti hna.
Hika ah ngaih khawh a si. VOA le U Aung Myint biaruahnak!
No comments:
Post a Comment