US le Israel Caah Thawngchia:Russia Nih Iran Nuclear Veng Kho Tu Hriam A Bawm Hnik

S-300s

S-300s timi raltuk vanlawng a kap kho tu hriam tha cu Russia nih Iran a kuat cang lai,Mr. Putin zong nih min a thut cang tiah BBC le Reuters nih an thanh. Hi S-300s nih a tu Iran a ser cuahmah mi nuclear hriam nam um nak hmun zong a ven khawh lai ti a si. 

Mah hriam nam hi a luan cia 2010 ah khan Russia nih Iran kuat a rak timh cang nain UN le nitlak ram nih an duh lo nak fak ngai in an rak langhter caah a rak hnon than. Hiti Russia nih S-300s a bawmh lai caah Iran zong nih Iran chuak oil a bawmh ve lai ti a si. 


US le Israel Caah Tih A Nung: Iran nih S-300s a tlaih khawh ah cun a nuclear him tein a ven khawh cang lai. US le Israel nih a tu cabuai cung an chonh ning si ti loin hriam nam in Iran nuclear chiahter an timh ah cun a fawi ti lai lo.Raltuknak vanlawng hmang in nuclear sernak hmunhma kah an timh ah cun Iran nih fawi tein an vanlawng a kap kho ve cang lai ti nak a si. 

A tu US le ramthawng pa 5(Russia zong ai tel ve) nih an kal pi cuahmah mi 'deal' zongah Iran a ngamh sang chin lai,a hal mi tam deuh rih lai. A hal mi US nih a lung tlin pi lo ah cun lor ngai in 'kai ngol' a ti kho mi a si.  

Israel ca kau ah tih a nung. Iran nih nuclear hriamnam a ngei khawh ah cun Israel cu vawlei map in a tlau kho mi a si.

Nikum Russia nih Ukraine ram Crimea a lak hnu in US le EU nih Russia cung sipuazi biatak tein an phih. Russia sipuazi zong fak ngai in a tla. A tu Iran a bawmh zong hi US a tuahsernak Russia nih a lehrulh a si ve.