Kawl Ralkap Meithal Kuan China Ram Ah A Tla Hoi

China raltuk vanlawng

April 8 in kawl ralkap le Kokang hriamtlai phu kar i kahnak a zual chin leng mang i tuni 8am ah kawl ralkap mei thal kuan ngan pawl China ram ah a tla i China ram dornak a kawlmi Kokang mipi a hliam hna tiah RFA nih a thanh. 


Hiti China ram chung kawl ralkap meithal kuan a tla hi China cozah cu a holh rih lo nain China ram internet media pawl nih cun thawng an thanh len cang ti a si. 

Tu kar cu kawl ralkap nih mei thal ngan pipi ah hman hlei ah raltuknak mawtaw tha tha zong an hman chih cang ti a si. A tu China ram a tla mi kuan zong hi a ngan phun a si. 

Kan hnu thla zongah khan kawl ralkap bomb nih China mi 5 a thah hna i China zong a thin a rak hung ngai, ramri ah a ralkap le raltuknak vanlawng a rak thlah hnawh colh. Kawl cozah nih a thawk ah cun Kokang hriamtlai phu an rak puh hmasa hna nain a hnu ah 'kan palh' tiin ngaihthiam an hal than hna.