Hong Kong ram chung thil zuar ah cun tax pek a hau lo caah Hong Kong ramri um Shenzhen khua mi hna cu Hong Kong ah phung ning loin thil an zuar tawn. Hiruangah Hong Kong um shopping mall pawl an sung ngai caah China cozah nih Hong Kong chung duh tawk in luh khawhnak VISA a pek ti hna lo tiah BBC nih a thanh.
China mipi nih Hong Kong ram ah zarhkhat ah voikhat lawng luh khawh a si lai, a sau bik zarhkhat lawng cam khawh a si cang lai.
Hiti Hong Kong mipi caah cun thil tha ngai a si. Hiti tuah ding ah Hong Kong nawlngeitu nih voitam nawn an rak hal cang. Shenzhen um China mipi ca bel ah cun thawngpang chia a si ve,an sipuazi a tla cang lai.
Hong Kong hi 1997 tiang British uknak tangah a rak um i China he hnatlaknak an rak tuah hnu ah China sin a lut mi a si. China chung um a si nain Communist ram a si lo, Democracy a hmang mi an si. 'One country, two systems' timi policy an hman.
No comments:
Post a Comment