Kawl Ralkap le Tlangcung Hriamtlai Phu Voi 120 Bak An Ni Phomh: Tukum January thla thawk in March thla dih tiangah kawl ralkap le tlangcung hriamtlai phu kar i kahnak voi 120 bak a chuak tiah hi kong a zohfel tu Myanmar Peace Monitor nih an phuan.
Hi ral ruangah minung ting khat leng an umnak hmun an tlik tak i cheukhat cu ramdang ah an zam, cheukhat cu khuadangah an zam ve. Hi ral ruangah ral kap nunnak a liam lawng si loin harsa mi zohkhenhtu Red Cross le mipi zong an nunnak tampi a liam ve.
A tambik i kah nak hi Kokang hriamtlai phu MNDAA he a si i Kachin hriamtlai phu KIA le TLNA he i kahnak a tam bik a chuak ti a si. 7Day Daily
Uico Sa An Zuar Ruangah Rangon Kawlmi An Ai Puang: Rangon khua Kaba-aye pagoda lam pawngah Vietnam mi rian tuan tu hna nih uico sa an ei leng mang i tuhi cu kawl rawldawr zongah uico sa a ngah ve cang caah kawlmi an lung a rawk ngai tiah 7Day Daily nih a thanh.
Kawlmi mit ah cun uico hi minung phun khat bantuk in ruah a si i saram lakah a sa ei lo dingah an ruah. Kawlmi lakah cun uico sa ei timi hi minung sa ei bantuk in ruah mi a si i an fih tak tak mi a si.
Rangon ah cun uico hi a ho hmanh nih zuar a si lo caah lam pawng zongah a lak tein tlaih khawh a si. Mah a lak in an tlaih mi uico ngan deuh pawl cu Vietnam mi sinah kyat 30,000 leng in an zuar khawh than caah a miak ngai ti a si.
Iran Nuclear Deal Nih Israel Cung US A Dawtnak A Zorter Lai Lo: US President Obama nih The New York Time sinah a chim mi bia a si. Kan hnu zarh ah hnatlaknak an ngah mi Iran nuclear deal nih Israel cung US a dawtnak a zorter lai lo a ti hna.
Iran nuclear chiahternak kongah hin Obama le Israel Prime Minister+Republicans an ruahnak ai kalh ngai. Nai hnatlaknak an ngah mi zong kha Israel Prime Minister Netanyahu nih cun 'Iran caah a chunmang a tlinh a si nain vawlei caah cun mangchia a si ve' a ti.
Indonesia Nih Australia Mi A Zangfak Kho Hna Lo: Bing 8.3 kg Australia ram luhpi dingah Indonesia ram Bali ah an rak tlaih mi Australian 2 cu Indonesia cozah nih thih-dan a pek hna i thihdan in luat ding nawl nak an tuah leng mang nain Indonesia biaceihzung nih a cohlang piak hna lo.
A tu tan biaceihzung nih an hal mi a hnon hnu cun thihdan pek nak ni lawng hngak a si cang lai. Tlawmpal ah meithal kahnak(firing squad) in thah an si te lai.
An mah pa 2 thlah than dingah Australia Prime Minister a tuan bal mi poah nih cun nawl nak an tuah dih cang. A tu Prime Minister zong nih biatak tein a rak nawl hna nain Indonesia nih an duh bak lo. BBC
No comments:
Post a Comment