North Korea ram uktu Kim Jong-un kong nih chuak ngai in an thlak mi 'The Interview' film DVD tampi cu South Korea pa nih North lei zong zoh ve hna seh a ti i siaherh ngai in le rethei ngai in a kuat hna,a kuat hna ning bel ai phun dang ngai. Balloon chungah DVD, phaisa tlawmpal le Kim Jong-un chiatnak kong ca tlap hna a khumh i a zuan ter hna.
Mr. Lee Min-bok nih hiti North Korea lei DVD a kuat hi January in a thawk i voi li a kuat cang,kan hnu zarhteni kha tam bik a kuat a si. Mr. Lee nih 'Kan hnu zarhteni ah khan DVD thawng tampi le Kim Jong-un chiatnak kong ca tlap million leng ka kuat hna' tiah AFP thawngzamh ca sinah a chim.
 |
| The Interview Movie |
CNN nih bia an hal nak ah 'Mah DVD hi North Korean nih an huat tuk,aruang cu mah film ah hin cun Kim Jong-un hi an pathian a lo ti lo, mi sawh sawh an lawh ter ruangah a si' a ti hna. North Korea mipi nih cun Kim Jong-un hi an pathian bantuk in an ruah ti duh nak a si.
Hi film tuah tu Sony company zong hi movie an chuah ruangah an rak hack bal hna, an rak thihphaih chih hna i DVD zong an duh zat in an rak zuar ngam lo, cheukhat cinema lawngah an thlah ngam. Hiti Sony company tiang an hack hna ruangah US le North Korea kar pehtlainak zong a rak rawk chin i North Korea thin hung in an rak tuah bal cang.
Mr. Lee nih a kuat mi DVD a hmu i a zoh tu cu North Korea cozah nih an theih hna ah cun kum tam ngai thawng thlak an si te lai. The Interview movie cu US Journalist nih Kim Jong-un interview an tuah i CIA nih thah an fial hna nak a si. Zoh ah niih zong a chuak ngai hlei ah North Korea kong tampi theih khawh a si ve. Hika The Interview ah movie tling in zoh khawh a si.
No comments:
Post a Comment