North Korea uktu Kim Jong-un cu nupi le fa pakhat a ngei cang ko nain nupi chun caah le a lam piak tu caah North Korea ram nungak muidawh 30-40 hrawng 'pleasure troupe' thim i a mah umnak inn ah chiah dingah order a chuah cang tiah The Daily Telegraph nih a thanh.
Hiti nungak no tete 'pleasure troupe' uktu inn ah i chiah hi North Korea phunglam a si, North Korea ram an pa bik a si mi Kim Il-sung nih a rak thawk i Kim Jong-un a pa Kim Jong-il zong nih a hnu a rak zul ve. Kim Jong-il a thih hnu 2011 ah hiti nu ngak no tete 'pleasure troupe' i chiah hi kum thum chung an hnon chung i a tu hi cakei Kim Jong-un nih a thawk than a si.
Mah 'pleasure troupe' caah cozah lutlai pawl nih ram chung nungak muidawh tete an kawl hna lai i Kim Jong-un nih interview a tuah hmasa hna hnu ah a duh bik mi 30-40 hrawng thim te ding a si. Mah 30-40 lak ah hin ai dawh bik mi nu cu a nupi chun ah a hman te lai. Cheukhat nih hla an sak piak lai i cheukhat nih an lam piak lai ti a si.
No comments:
Post a Comment