Nizaan 'April Fool' ni cu facebook hmang Lai mino tete zong nih bia tak tein kan hmang ve, a ho poah nih i hlen cio a si i cheukhat cu ai zumh sual i aa chuah sual mi zong kan tam ngai hna. Cheukhat cu thatnak lei deuh in i hlen a si nain cheukhat mi an hlen ning cu thin phang ngai a si ve. Abik in Dr. Ngun Cung Lian nih 'ka nu a thi' tiin a kan hlen hnu in a dang a dik tak tak mi thawngpang zong kan zumh kho cio ti lo.
Thawngpang dik kan zumh lo mi lakah CNA ralbawi Solomon Thang Ding a nu (a pa nau a nupi) mual a liam nak kong hi a si. A nih hi Solomon khual a tlawn kar March 21 ah khan mual a liam. Hi ti a nu mual a liam hi nizaanAizawl a phak hnu lawng ah a theih i nizaan ah khan a facebook ah thawng a rak thlah. Micheu nih cun an zumh i an lung that lo nak hna an chim nain cheukhat nih cun a kan hlen mi 'April Fool' a si lai an ti ve.
A thi mi Peng Cin Thang nu hi Solomon a pa nau a nupi a si i Falam ah a um mi a si. A thihnak cu thikai zawtnak le zunthlum zawtnak ruangah a si tiin CHRO(New Delhi) riantuan tu Salai Cung Dawt nih catial tu sin ah a chim. Pathian tu nih tantak mi chungkhar hnem hram ko hna seh.!.
Nawlnak: 'A pa nau nu pi' timi cu Headline a sau deuh lai caah 'a nu' tiin ka tial. A rel zia ka thiam piak hram uh!
No comments:
Post a Comment