NASA nih Arfi Pakhat Malala Yousafzai Min An Pek

Taliban ralhrang doh in 2012 ah nu ca cawn khawhnak covo kong a rak chim ruangah Taliban nih thi deng in an rak kah hnu ah vawlei pi theih a si mi Malala Yousafzai dirpi nak caah tiin US NASA nih Arfi pakhat cu 'Malala' tiin min an pek cang tiah BBC nih a thanh.

Hi arfi 'Malala' hi Jupiter le Mars kar ah a um mi a si i kum nga le cheu dan ah nika a hel leng mang tu a si. Mah arfi hi 2010 ah NASA riantuan tu Mainzer nih a rak hmuh mi a si. A tu Malala min an pek zong hi arfi hmuh tu Mainzer nih Malala thazang pek a duh caah a si. 


Malala hi ralhrang Taliban zong a tih bak lo mi nusal pakhat a si. Nikum kha vawleicungpi nih upat mi Nobel Peace Prize zong an rak pek. 'I Am Malala' timi cauk zong a rak chuah i vawlei kakip ah rel ngai mi le a lar ngai mi a rak si. Chin mino tam pi zong nih a cauk rel ve a si.