A luancia 1959 hnu in US nih a rak huat i 'black list' ram ah a rak chiah peng mi Cuba ram President Raul Castro le US President Obama cu tuni Panama ram ah an ni chon than i ram hnih kar pehtlaihnak thar ser than ding kong ceih te ding hnatlak a si tiah BBC nih a thanh.
A hmasa bik an ceih hnga ding mi cu Washington ah Cuba Embassy chiah ding le Cuba khualipi Havana ah US Embassy chiah ding kong a si te lai. Cuba President nih a bik in a hal mi cu US nih Cuba cung a chiah mi sipuaizi phihnak(economic sanction) pawl dorh piak ding le tihnungmi ram tiah 'blacklist' ah a tar mi hnon than ding hna an si.
US nih Cuba A Huatnak Aruang: US nih a rak dirhkamh mi Cuba President Batista cu a tu Cuba President Raul Castro a u pa Fidel Castro hruainak in 1959 ah an rak thawl. Hiti US hawipa President Batista an thawl hnu in Cuba cu US ral ngan bik Soviet Union lei a rak tang. Tutiang hi Communist le Socialist a cawhmi uk ning an hman. Hi ti US hawipa President Batista an rak thawl hnu in US nih a rak huat hlei ah ralhrang bawmhtu a timi Iran he ai lo in 'blacklist' ah a rak chiahnak a si.
Venezuela Bel He cun: US innpa Cuba le Obama cu an ni rem ngai than nain Cuba ram tang a um ve mi Venezuela ram bel he cun ai phomh hnik mi an lo rih ko. Kan hnu thla ah khan US nih Venezuela rammi cheukhat 'blacklist' ah a rak chiah hna hlei ah 'Venezuela ram cu US ram caah tih a nung' a rak ti cang. Venezuela zong nih an rak zai hnawh len ve, 'US ram caah tih a nung' timi hnon than ding ah President Maduro nih signature 10 million leng a lak i US a nawl len.
No comments:
Post a Comment