Kawl Ralkap A Hliam Mi le A Thi Mi 600 Leng Phan Dawh An Si Cang

Kawl Ralkap Kokang khualipi ah

Kokang ram kawl ralkap le Phu Kya Shine hruaimi Kokang hriamtlai phu MNDAA kar i kahnak cu tukar ni li chungah bia tak tein a zual chin i kap hnih lei a thi mi zong a karh ngai i kawl ralkap a hliam mi le a thi mi an za tein 600 hrawng an phan kho tiah Kokang lei aiawh biachim tu nih VOA ah a chim.

Tukar cu kawl ralkap minung zong an chap deuh hlei ah hriamnam ngan pipi an hman mi zong a tam deuh ngai ti a si. Hiti hriamnam ngan pipi hmang in an kah hna caah Kokang hriamtlai phu lei zong aa hliam mi an tam ngai ve. Kokang lei a hliam mi le a thi mi dihlak fonh in 50 hrawng an phan lai ti a si,a thi mi 10 an si.

Kokang le kawl ralkap kar i kahnak hi Feb 9 khan ai thawk i tlawmpal ah ralkap nih uknak an lak beh. April 8 hnu in bia tak tein an ni phomh than i tukar an ni thuat ning cu Feb 9 hnu in a fak bik le a zual bik a si lai an ti.