Khrifa Caah Thawngpangchia, Muslim Caah Thawngpang Tha

US thiamsang pawl 'Pew Research Center' nih vawleicung biaknak a karh ning an kherhlai i nizaan ah khan an hmuh mi result an chuah. An chim chung mi cu 2050 tikah cun vawleicung muslim milu hi a tu 1.6 billion in 2.76 billion tiang an kai lai, Khrifa hi 2.17 billion in 2.92 billion tiang lawng a kai te lai ti a si. Muslim milu hi 72% in kai ding a si nain Khrifa milu bel cu 34% lawng in a kai te lai. 

Pew Research Center

A tu ning tein muslim an karh ko ah cun 2050 tikah cun vawleicung um khrifa le muslim milu ai tluk cang lai i 2100 tikah cun vawleicungah muslim milu an tam bik cang lai tiin an ruah domh. Hmailei kum 35 chungah Muslim, Chrihfa le Hindu cu an karh deuh lai nain Buddhism bel cu a karh lem lai lo,a zor deuh hlei lai lo ti a si. 

Pew Research Center

Pew Research Center nih an chim chung ning ah cun:

# US ram chung biaknak ngei lo Atheists pawl a tu lio 16% in 2050 tikah 26% tiang an phan lai nain vawleicung huap biaknak ngei lo milu bel cu an tum chuk lai.

#US ram Khrifa milu 75% in 66% tiang an tum te lai, US ram biaknak ngan bik changtu Jews biaknak (Judaism) cu Muslim nih a chuh te lai. Muslim hi US ram ah a tam bik chang tu an si cang lai ti duh nak. 

# Africa ram pawl(Sub-Saharan Africa) ah vawleicung khrifa 40% an um te lai i Nigeria hi US le Brazil chim lo in khrifa an tam bik nak ram a si te lai.


#India hi vawleicung muslim milu an tam biknak ram a si te lai nain a tu majority a si mi Hindu pawl zong an thawng chin ve ko lai.

#Europe ram milu 10% hi muslim an si te lai i EU ram Khrifa milu 100 million in an zor te lai.

# Hindu hi 1.4 billion, Judaism hi 16 million an phan te lai i nain Buddhism bel cu a tu ning te an si ko lai,an kai lai lo i an tum hlei lai lo.

#106 million nih Khrifa an chuah tak te lai i 46 million hrawng nih Khrifa ah an lut ve te lai. 

# A tu lio Khrifa majority an si nak ram 151 (Australia, France, Netherlands, UK, New Zealand tibntk) ah Khrifa milu majority an si ti lai lo. 

#Vawleicung ram 51 ah Muslim milu majority an si cang lai. 

Mirang ca rel kho mi le thuk deuh in rel a duh mi nih hika Pew Research Center ah rel khawh a si lai.