7 April 2015

Indian Micheu Nih An Fihtuk Mi Porn Star Sunny Leone Cu Bollywood Ah A Hung Lar Tuk


Valeicung porn star minthang lakah a lar bik pakhat a si ve mi Indian nu porn star hlun Sunny Leone cu caan saupi porn movie(zoh dawh lo movie) ai thlak hnu 2012 hrawng in India ram Bollywood ah a lut than i a movie pawl hi India ah an zoh duh bik lei an hung cang. Media tampi nih cun Sunny Leone cu a tih bak in an tih rih ko nain a movie zoh tu bel cu million in cinema hall ah an ni tlang ti a si. 



Sunny Leone hi 2012-2014 tiang India ram chung google ah kawl bik mi le zoh bik mi a si. 2014 ah India mipi nih google search engine ah an kawl bik mi a pakhat nak cu Sunny Leone a si i 2nak ah a tu an Prime Minister Narendra Modi a si. A dang Bollywood actor le actress vialte zong a tei dih hna. A 3nak kha actor minthang Salman Khan a si i a 4nak hi Katrina Kaif a si ve. Micheu nih an fih tuk ko nain India ram google chung kawl bikmi kum thum tiang a hung si hi mipi nih an tanhpi ngai ko ti a lang. 



A nih hi zohdawh lo movie ai thlaknak in vawleipi nih theih mi a si caah India a rat poah ah hin a duh tu le a dongtu an um bang in a doh tu le duhlonak a langhter tu an um leng mang. India nunphung a tanhpi tu cheukhat nih cun 'kan in thah lai' tiin death threat hna an pek lengmang mi a si. India Bollywood ah movie ai thla hnu ah cun zohdawh lo movie cu ai thla ti lo.


Sunny Leone a nu le a pa hi India mi an si i a mah tu hi Canada ah a chuak. Tuhi US citizenship zong a ngei chih,citizenship 2 a ngei hna. Daniel Weber he 2011 ah an rak i um i fa an ngei rih lo. Kum 33 a si cang. April 10 ah a movie thar pakhat chuak rih ding kongah India thawngzamhtu IBN nih interview an tuahnak hika Sunny Leone Interview ah rak zoh cio ve uh.     

        

1 comment: