'April Fool' ni kan phan cu Laimi zong nih zohchia ngai in i hlen cio a si. Facebook hmang Lai mino cheukhat cu va ka ngei cang lai ai timi zong an tam i cheukhat cu 'in relationship' ah ai chiah mi zong um len hna. Mi tampi nih i hlen cio a si ko nain Dr. Ngun Cung Lian a mi hlen dan cu a zual khun.
'Rest in peace,My mom' timi tlangtar in 'kum 67 a si mi a ka hringtu ka nu tuzing ah a thi, tuhi khua tlun ka timh' tiin a facebook ah a tial i mi tampi cu bia tak tein kan ni zumh sual i kan lungfahnak hna ka langhter cio ve.
Nain,minute 30 hrawng a rauh hnu ah 'April fool' tiin tuan deuh a rak tial mi a dik lo nak a rak fianhter than, cu hnu zongah tutiang ah hin mi tampi nih a nu a thi tak ko rua tiin an lungthat lo nak an langhter rih ko. Facebook ah a lar ngai mi MPC riantuan tu Hlah Maung Shwe le CNA ralbawi Solomon Thang Ding tiang nih an lungthat lo nak an langhter ve.
Micheu nih cun a hnu deuh a catial mi an hmuh hnu ah hiti tiang in mi a hlen cu 'April fool' ni a si zongah a luan tuk a ti mi zong an um i cheukhat cu a niih chuak mi zong an um ve. Tuni April fool ni ah hin vawlei ka kip ah i hlen cio a si i mi cheukhat cu ai zumh i aa chuah sual mi zong an tam pi hna.
Biadang pi ah, CNA ralbawi Solomon Thang Ding zong nih 'ka nu a thi ee' a ti ve i a dik le dik lo a fianh rih lo caah thil hman theih a si rih lo.
No comments:
Post a Comment