Acung lei hmanthlak nan zoh ah cun zeitluk in dah Syria ram ngakchia pawl ral ruangah an tuar timi hmuh khawh a si. Sual nak ngei lo ngakchia nih camera kha meithal ah a ruah sual i 'surrender' a pek. Hi hmanthlak hi kan hnu zarh nihnihni ah khan Nadia Abu Shaban timi pa nih tweeter ah a chiah hnu in mi tampi nih an share cio i Facebook,Twitter le adang social network hna ah ceih ngai mi a hung si.
Micheu nih cun a dik lo mi an ser chom mi a si lai a ti mi zong an um len ve nain mi tampi cu mah hmanthlak an zoh ah hin an lung a kuai ngai cio,an lung nuamh lo nak zong comment an pek. Hiti social network ah mah hmanthlak ceih ngai a si tikah BBC nih mah hmanthlak a si ning an kherhhlai i thil dik an hmuh.
Hi hmanthlak hi Turkey pa nih nikum December thla ah Syria ral zam um nak camp Atmeh ah thlak mi a si. Mah minu te hi kum 4 a si i ral tih ruangah hika refugee camp ah a nu he dor nak an rak kawl ve. Syria ral ruangah ngakchia zeitluk in dah an tuar timi cu mah hmanthlak hin hmuh khawh a si.
No comments:
Post a Comment