US ram Kansas state um Fort Riley timi ralkap umnak ah IS bawmhtu tiah an ruah mi Mr. T Booker nih bomb puah a timh i a puah hlan te ah US palik nih an tlaih manh tiah BBC nih a thanh.
Mr. Booker,20, hi US citizen pakhat a si i muslim biaknak thuk piin a dirkamh mi le IS ralhrang pawl a tanh pi ngai mi a si. Nikum March thla ah khan US ralkap luh ding a rak sawk nain hiti ralhrang pawl a tanhpi hna ruangah an rak cohlang lo. IS hruaitu lutlai Abu Bakr al-Baghdadi zong bia tak tein a cawnglawmh tu a si.
US ah hin IS bawmhtu tiah an ruah i an tlaih mi hna an tam ngai cang. Chicago ah minung 2 zong March thla dih lai ah khan an rak tlaih hna, New York zongah nu 2 an rak tlaih rih cang hna.
Mr. Booker cu ralhrang bawmhnak, cozah thil hrawh timhnak le mi bu thah timhnak tibantuk sualnak phunthum in a bia an ceih lai i kum tampi thawng tla dawh a si.
No comments:
Post a Comment