Thein Sein: Tukum Thimnak Kaa Cuh le Cuh Lo A Fiang Rih Lo

Myanmar President Pu Thein Sein cu Japan thawngzamhca a si mi Mainichi Shimbun nih tonbiaruahnak an ngei i tukum thimnak ah ai cuh le cuh lo kong an hal ah 'a tuan tuk rih,biachahnak ka ngei rih lo' a ti hna tiah Eleven Media nih a thanh.

Pu Thein Sein nih'Tuhi kum 70 ka si cang. Ka ngandamnak le ka lung a umtuning zong an tha tuk ti lo. Sikho sehlaw i din cu ka duh ko. Nain, rampi a sining le mipi an au-an zong ngaih le tuaktan pah a hau than ve. 2015 thimnak i cuh ding bel cu biachahnak ka ngei rih lo. Tuhi cu a tuan tuk rih ka ti' tiin a leh hna.  

Ralkap party a si mi USDP in President caah an zumh mi cu Thura Shwe Mann hi a si, NLD zong nih an rak thim/duh ve tiin Reuters nih a rak thanh nain NLD lei nih 'a dik lo' an rak ti bal. Thein Sein zong hi aa cuh than kho mi a si ve.