The Hakha Post Nih Lai Biazai Thanchonak Caah Thazang Chuah A Timh

Lai mino nih Lai biazai kan uar chin khawh nak hnga le Lai biazai a thancho chin khawh nak hnga caah tiin Hakha hram bund thawngzamhca The Hakha Post nih bia tak tein cawlcangh a timh i May thla zongah Lai biazai relnak a tuah lai ti theih a si.

The Hakha Post nih Lai biazai rel ding caah a tanglei bantuk in sawmnak ca a tial:

Kan in sawm hna:

-Biazai a uarmi, ngakchia upa a duh paoh i tel khawh.
-Biazai a tial balmi lawng si loin, a aurmi zong tel khawh.
-Ramchung ramleng hmun kip in rak i tel khawh a si.

Tinhmi
-Lai mino hna nih Lai biazai kan uar, kan thiam le kan thanchoter chin lengmangnak ding.
-Lai biazai a uarmi hna i hawikomhnak.
-Lai biazai cauk tampi a chuah khawh nakding.

Lai Biazai Rel timi cu...
-Lai Biazai a uarmi hna hmun khat ah biazai rel tinak.
-Na duhmi biazaite kha thawt theih tein na rel lai.
-Mi biazai na duhmite zong i thim in rel khawh a si.

Ri khiah a um lai lo
-Biazai cu a ram a kauhtuk caah ri khiah a um lai lo.
-Na biazai cu a thing, a thar, a tawi, a sau ti a um lo.
-Lungkuainak, lunglawmhnak, biaknak, miphun dawtnak, hmuh ning tibantuk, na duh paoh i thawh khawh a si.
-Na thinlung chung in a chuakmi Lai biazai a si paoh ahcun a chia le a tha ti a um lo. 
-Nangmah na rat khawh lo zong ah na hawi pakhat khat, asilole Tawlreltu sin ah na biazai kuat in relpiak khawh.


A hmun le nicaan
- A ni, a caan le a hmun cu kan in thanh than te hna lai.
-May thla chung, Hakha khua ah a si lai.

Chuncaw
-Lai rawl, rathur le buti chuncaw thawtak rin a si lai.
-Lai bia le hla kong lungduh biaruahnak a um lai.

' Pehtlaihnak: 09-256649505;09-400311855; 

09-400303068;09-400302704; Email: hakhapost@gmail.com