2008 lio India ram Mumbai khua hotel pakhat an rak kahnak ah hruaitu bik a si tiah an ruah mi Mr Lakhvi cu Pakistan cozah nih thawngin luatnak a pek caah India cozah a thin hung i a duh lo nak zong a langhter tiah BBC nih a thanh.
Mumbai hotel an kahnak ah hin minung 166 leng an rak thi i mi thawng tampi an rak hliam hna. Hihi Pakistan minung nih an kah mi a si caah ram hnih kar pehtlai nak zong a rak rawk chin chin. Mr. Lakhvi hi India cozah nih tlaih ding a rak hal i Pakistan cozah nih a rak tlaih nain a tu an thlah than tikah India a ai puang.US le France zong nih an lungthat lo nak an phuan ve.
India le Pakistan hi British nih Independence a pek hna hnu 1947 thawk in ramri kongah a rak buai cang mi an si. An rak i kah leng mang,tutiang hi an ni rem kho lo. Uico le meheh bak an lo. India ram chak lei Muslim an tamnak Kashmir hi an ni cuh leng mang, tu le tu in ramri ah a phomh mi an si.
No comments:
Post a Comment