NCA Kong Ceih Ding Hriamtlai Phu Conference Caah Sawmnak Ca KNU Nih A Hnon

Ram pumpi huap kahdaih minthutnak(NCA) kong ceih ding ah tlangcung hriamtlai phu i tonnak conference cu Wa hriamtlai phu umnak ah May 1-3 tiang tuah an timh i KNU zong sawmnak ca an kuat hna nain KNU-KAF tiin a min an bet chap mi a um caah KNU nawl ngeitu nih an hnon tiah BBC Burmese nih a thanh.

Kawthoolei Armed Force(KAF) timi cu Karen hriamtlai phu vialte komh mi min a si, hi KAF ah i tel ding an timh cio nain hnatlaknak an ngei rih lo. Hiti a nung rih lomi min KAF timi KNU ah an telh hi KNU nih an duh lo nak a si.


Hiti an duh lo nak le sawmnak ca an hnon nak zong tuanvo ngeitu UWSA sin an chim than cang. UWSA zong nih a thar in sawmnak ca zong an tial than cang tiah tuanvo ngeitu U Aung Myint nih a chim. 

Mah Conference ah hin CNF,DKBA le ALP tibantuk NCCT member tling tampi zong an sawm hna lo. Hriamtha a ngei mi hriamtlai phu 12 lawng phung ning tein an sawm hna caah NCA kong an ceih kho ngai hnga maw ti soisel nak zong a um.