'Biahalpangpa' timi cafung min in capar tha tha a kan tial piak leng mang tu Sang Bawi(Biak Hnin Sang) cu a ralaimi May 16 ah nupi a ngei cang lai, a nupi hnga ding cu a cung hmnathlak i muidawh Hninsi Van Cer Tial a si.
A nih hi a facebook hawi tam pi nih 'ziah tutiang hnakruh ai kawl rih hnga lo' tiin caan sau nawn rak ceih a si cang. Hawi dang bantuk in dawtmi hnakruh a rak hmuh zong a rak langhter bal lo. Nain,tuni ah cun sawmnak ca he ruah lo piin a rak chuah pi tikah a facebook hawi tampi cu kan khuaruah zong a har i kan ni lawmh cio.
Sang Bawi hi Lai catial thiam a dang he ai lo lonak a tam ngai,a zumhnak le a ruahnak kha a ho mithmai zoh lo tein ca a tial ngam tu a si. A catial mi hi Lai mino tampi nih rel duh ngai a si hlei ah midang an capar cung a comment tete zong mi lung a khen ngai tawn,a comment te hmanh hi mi cheukhat an capar nak in 'like' tam deuh a hmu leng mang.
Laimi tam deuh cu Israel lei a tang mi kan si caah Israel le Republican an umtuning thuk deuh in a tial bel ah hin Lai mino cheukhat nih an rak soi sel pah ve. Obama le John Kerry a tanhpi ngai hna fawn hna caah 'Pro-Obama' or 'Pro-democrats' tiin theih a si. Lawmh pi cio hna u sih! Hika ah rak leng ve hna Sang Bawi+Cerku.
No comments:
Post a Comment