Malaysia Ah Laipa Tek Tlak Ruangah A Nunnak A Liam

Ralzam dirhmun in Malaysia ah a um ve mi Thang Tin Lian cu April 12 ah khan a hawi le he bawlung an chuihnak ah tek nih a tlak i siizung an kal pi colh nain sizung ah a nunnak a liam tiin thawng theih a si.


A nih hi kum 16 tlangval no te a si,Malaysia a phaknak kum 5 leng a si ve cang. An chungkhar in Malay um mi an si hna. A nu le pa hi Zaabung khuami Pu Sui Khar le Pi Par Zing an si. Tuni April 14 ah a ruak thlahnak an tuah cang.

Thang Tin Lian cu mi zia tha ngai a si hlei ah hawi kawm zong tampi a ngei i hiti vanchiatnak a ton hi a hawi le tampi zong an lung a fak i an ngeihchiat nak zong an langhter cio ti a si.