2013 hrawng in kawlram chung a hung lar ngai mi hlasak thiam zuamnak cu Eh-meh-sung-ya hi a si. Kawlram TV channel 7 nih LIVE in an thlah tawn. Kawlram chung hlasak thiam i zuamnak ah cun Eh-meh-sung-ya hi a lar bik mi a si ko, 2013 hlan ah khan cun Melody World timi a rak lar ngai nain tuhi cu an lar tuk ti lo. Eh-meh-sung-ya deuh hi kawlram mipi le media nih an fuh cang. Hi bantuk national level in i zuamnak top 12 ah kan far nu Jenevy a um khawh hi cu thangthat lo awk a tha lo, Chinmi hmai hngalter tu a si.
Tuzan kha 'entertainment show' an tuah i mirang hla 'Let it go' timi a hawi nu he an sak ti. Kei zong LIVE in ka rak zoh ve, a thiam law law. A pumrua zong a tha,ai dawh fawn. Micheu nih 'Hlasak thiam cu an mui ai dawh bal lo' an rak ti tawn kha an palh cikcek hi teh ka ti len.
A tu top 12 pawl hi thaizing an ni zuam rih lai i minung pakhat a tla te lai i top 11 an tang te lai. Cun,kawl ti toih puai a dih hnu in an thawk than lai. Hika ah pakhat nak a ngah mi cu motor thar te pakhat laksawng an pek lai hlei ah hla zong chuahpiak a si te lai tiah The Chinland Post sin in theih a si.
Jenevy Sui hi Zophei tlang Aibur(Dr. Lian H Sakhong te khua) khuami Pu Tial Hup le Ma Nyo an fa nu a si.Rangon ah khua an sa. A tu hi kum 22 lawng a si rih. Yangon West University ah Distance in B.A English a kai cuahmah lio mi a si. A facebook zong hika Jenevy Sui zoh khawh a si lai. Vote pek a duh mi nih April 5 zaan 10:00-12:00(kawlram caan) kar lak,mah phone number +959259277661 ah 'YTP010' tial in SMS vote pek khawh a si lai. Ramleng zong in vote pek khawh a si. Thazang pe cio hna u sih!
No comments:
Post a Comment